काठमाडौं । कुमारी बैंक लिमिटेडले ४० हजार कित्ता संस्थापक सेयर बिक्रीमा ल्याएको छ । बैंकका १ जना सेयरधनी अर्थात रोशनी बज्राचार्यले आफ्नो नाममा रहेको ४० हजार कित्ता संस्थापक सेयर बिक्री गर्न लागेका हुन् ।
बैंकले सार्वजनिक गरेको सूचनामा भने सेयरको मूल्य खुलाइएको छैन । संस्थापक सेयरधनीले मात्र सो सेयर किन्न पाउने सूचनामा उल्लेख छ । सो सेयर किन्न चाहने संस्थापक सेयरधनीले ३५ दिन भित्र बैंकको सेयर रजिष्ट्रार कुमारी क्यापिटल नक्साल वा कुमारीको मुख्य कार्यालय टंगाल काठमाडौंमा सम्पर्क गर्नुपर्नेछ ।
तोकिएको अवधिमा संस्थापक सेयरधनीबाट आवेदन नआएमा भने सर्वसाधारणका लागि बिक्री खुला हुनेछ ।
