काठमाडौं । लुम्बिनी जनरल इन्स्योरेन्सको खुद नाफा घटेको छ । गत आर्थिक वर्षको चौथो त्रैमाससम्म आइपुग्दा कम्पनीको खुद नाफा १५.४८% ले घटेर १७ करोड २५ लाख रुपैयाँमा सीमित भएको हो । अघिल्लो वर्षको यसै अवधिमा यसले २० करोड ४१ लाख रुपैयाँ नाफा कमाएको थियो ।

यस्तै कम्पनीले बिमा कोषको आकार पनि १३.८७% ले बढेर ७३ करोड ३९ लाख रुपैयाँ पुगेको जनाएको छ । अघिल्लो वर्ष बिमा कोषमा ६४ करोड ४५ लाख रुपैयाँ थियो ।

साथै खुद बिमा शुल्क १.८७% ले बढेर ५९ करोड ९३ लाख रुपैयाँ पुगेको छ भने प्रतिसेयर आम्दानी १४ रुपैयाँ ३९ पैसा र प्रतिसेयर नेटवर्थ १८६ रुपैयाँ ७३ पैसा रहेको छ ।