काठमाडौं । आज मंगलबारबाट मञ्जुश्री फाइनान्सले संस्थापक सेयर लिलामीमा ल्याएको छ । कम्पनीले प्रतिकित्ता न्यूनतम भाउ ३०० रुपैयाँमा ९ हजार १८७ कित्ता संस्थापक सेयर लिलामीमा ल्याएको हो । लगानीकर्ताले सोहि मुल्यलाई आधार मानेर सो भन्दा बढी मूल्य कबोल गरी लिलामीको बोलपत्र पेश गर्नुपर्नेछ ।

सो सेयरमा विद्यमान संस्थापक सेयरधनीसहित अन्य इच्छुक व्यक्ति, कम्पनी तथा संघसंस्थाले न्यूनतम १०० कित्तादेखि अधिकतम सबै कित्ताका लागि आवेदन दिन सक्ने कम्पनीले जनाएको छ । लगानीकर्ताले बिक्री प्रबन्धक एनआइबीएल एस क्यापिटल लाजिम्पाट, काठमाडौंमा पुग्नेगरी गोप्य शिलबन्दी बोलपत्र भदौ २० गतेभित्र बुझाउनुपर्नेछ ।