काठमाडौं । आइतबारको सेयर बजारमा पहिरो गएको छ । दिउँसो १ बजे नेप्से परिसूचक ६४.२१ अंकले घटेर ३११४.५९ अंकमा पुगेको छ । जुन पछिल्लो कारोबारको तुलनामा २ प्रतिशतभन्दा बढी हो ।

यस अवधिसम्म १३ अर्ब २७ करोडमाथि सेयर कारोबार भएको छ भने २१८ कम्पनीको सेयर किनबेच भएको छ । आज उत्पादनमूलक र माइक्रोफाइनान्स समूह बढेका छन् भने बाँकी समूह राताम्मे देखिएका छन् । मौद्रिक नीति सार्वजनिक भएपछि पहिलो कारोबारको दिन नेप्सेमा यसरी पहिरो गएको हो ।

यद्यपि मौद्रिक नीतिमा सेयर बजारलाई प्रभाव पार्ने खास विषय नभएपनि सेयर धितो कर्जाको सीमा तोकिएकोले यसले बजारलाई असर गर्ने विज्ञहरुले बताएका छन् ।