काठमाडौं । नेपाल इन्फ्रास्ट्रक्चर बैंक (निफ्रा) को गत आर्थिक वर्षको चौंथो त्रैमासमा नाफा घटेको छ । बैंकले  चौंथो त्रैमासको वित्तीय विवरण सार्वजनिक गर्दै खुद नाफा १.२६% ले घटेर ८३ करोड ६४ लाख ३२ हजार रुपैयाँमा सीमित भएको जनाएको हो । अघिल्लो वर्षको यसै अवधिमा बैंकले ८४ करोड ७१ लाख ४६ हजार रुपैयाँ खुद नाफा कमाएको थियो ।

यता बैंकको खुद ब्याज आम्दानी र सञ्चालन नाफा भने केहि सुधार भएको छ । खुद ब्याज आम्दानी ८.३५% ले बढेको छ भने सञ्चालन नाफा पनि ७.९१% ले बढेर १ अर्ब १८ करोड ८९ लाख २६ हजार रुपैयाँ पुगेको छ ।

चुक्ता पूँजी २० अर्ब रुपैयाँ छ रहेको यस बैंकको जगेडा कोषमा २ अर्ब ४० करोड ७ लाख ८१ हजार रुपैयाँ पुगेको छ । बैंकको प्रतिसेयर आम्दानी ५ रुपैयाँ ३४ पैसा र प्रतिसेयर नेटवर्थ ११७ रुपैयाँरहेको छ ।