काठमाडौं । नेपाली युवा उद्यमी मञ्चले रक्तदान कार्यक्रम आयोजना गरेको छ । अन्तर्राष्ट्रिय युवा दिवस अगष्ट १२, २०२१ को उपलक्ष्यमा एनवाइइएफले सात वटै प्रदेशमा रक्तदान कायक्रमको आयोजना गरेको हो ।
उक्त कायक्रममा दश वटै च्याप्टर सहित राष्ट्रिय युवा परिषदको सहयोग र सहभागिता रहेको थियो । रक्तदान कार्यक्रममा काठमाडौंमा ८२ जनाले, चितवनमा ५० जनाले, सुर्खेतमा ५१ जनाले, पोखरामा ७७ जनाले, रुपन्देहीमा ३० जनाले र विरगञ्जमा ५२ जनाले गरी जम्मा ३४२ जनाले रक्तदान गरेको एनवाइइएफका राष्ट्रिय कार्य समिति अध्यक्ष उदीप श्रेष्ठले बताएका छन् ।
