डडेल्धुरा नवदुर्गा गाउँपालिका–२ वडमवासी कुवाबाट खानेपानी लिएर घरतर्फ जाँदै । करिब तीनसय बढी परिवारको बसोबास रहेको वडम गाउँमा दशक पहिला बनेका धारा छन् तर पानीको थोपा आउँदैन । पुरानो खानेपानी मर्मत नहुँदा र नयाँ योजना निर्माणमा ढिलाइ हुँदा उनीहरुलाई पानीको समस्या भएको हो ।
कालीकोटको नरहरिनाथ गाउँपालिका–१ कोटबाडा र वडा नं ६ माल्कोट जोड्ने रहगाडमा रहेको झोलुुङ्गेपुल बाढीले बगाएपछि जोखिम मोलेर काठेसाँघु तर्दै स्थानीयवासी ।
रुपनी–राजविराज सडक खण्डअन्र्तगत सप्तरीको रायपुरमा बीच सडकमै भत्किएका खाल्डा । करीब १० किलो मिटरको यो सडक खण्डमा र्जीण बाटो रहेकाले दुर्घटना हुने जोखिम बढेको छ ।
साउन महिनाको अन्तिम सोमबार फेवाताल किनारमा रहेको शिव मन्दिरमा पूजा गर्न लामबद्ध भक्तजन ।
रामपुर नगरपालिका ५ स्थित राङभाङमा बिरुवा रोप्दै रामपुर आवासिय अङ्ग्रेजी बोर्डिङ्ग स्कुलका विद्यार्थी । नवचेतना आमा समूह र रामपुर स्काउटको आयोजनामा वातावरण संरक्षण गर्न किसमस, धुपि, लालुपाते, बारमासे, सयपत्रीलगायतका विरुवा रोपण गरिएको छ ।
साउन महिनाको अन्तिम तथा पाँचौँ सोमबार लमजुङ बेँसीशहर नगरपालिका–८ मस्याङ्दी नदी नजिकै करपुरेश्वर महादेव मन्दिर परिसरमा पण्डितको हातबाट टीका लगाउँदै भक्तजन ।
दुवै हात चलाउन नमिल्ने, बोल्न नसक्ने तर सुन्न राम्रोसँग सक्ने फरक क्षमता भएका याम खाम्चा गोडाले ल्यापटप चलाउँदै । खाम्चाले गोडाले ल्यापटप तथा मोबाइलमा विभिन्न लेख रचना लेख्ने, इन्टरनेट चलाउने, आफूले लेखेका विभिन्न लेख रचना सामाजिक सञ्जालमा पोष्ट गर्नुहुन्छ । उहाँले पाल्पाको निस्दी गाउँपालिका–२ स्थित बालहित माविबाट गोडाले लेखेर कक्षा ११ को परीक्षा पनि दिनुभएको छ ।
काठमाडौँ महानगरपालिका कोटेश्वरस्थित महादेव मन्दिर परिसरमा साउन महिनाको अन्तिम सोमबार शिवको पूजा आराधना गर्दै भक्तजन ।
बाढीको जोखिममा रहेको मेलम्ची -७ र हेलम्बु -४ जोड्ने झोलुङ्गेपुलको संरक्षण कार्य हुँदै ।
सन्धिखर्क नगरपालिका–१२ का वडाध्यक्ष नारायण खड्काले आफूले पाएको भत्ता रकमबाट ६५ बर्षमाथिका वृद्धवृद्धालाई हर्लिक्स प्रदान गर्दै । वडा, नगर स्वास्थ्य संस्थामा कोभिडविरुद्ध दोस्रो डोज खोप लगाएपछि खड्काले वृद्धवृद्धालाई मास्क र हर्लिक्स वितरण गर्नुभएको हो ।
