सुनसरी सदरमुकाम इनरुवा–९, बबियाका कृषक धानबालीमा कीटनाशक औषधि छकिँदै । ग्वारो र पतेरो लागेर धानबाली फस्टाउन नसकेपछि औषधि छर्किएका हुन् ।
दाङ तुलसीपुर उपमहानगरपालिका वडा नं ६ का थारु समुदायका महिलाहरु अष्टमीकी पुज्दै । कृष्णजन्माष्टमीलाई थारु समुदायले विशेष पर्वका रुपमा मनाउँदै आएका छन् ।
डोटीको केआइसिंह गाउँपालिका–६, फलेडीस्थित कालीज बहुउद्देश्य फार्मभित्र पसेको चितुवाले मारेको कालीज । फार्ममा सोमबार पसेको चितुवाले १४० कालीज मारेको छ । एउटा कालीजको रु तीन हजार ५०० देखि रु पाँच हजारसम्म बिक्री हुने फार्म सञ्चालक कर्ण बोहरा बताउनुहुन्छ ।
वर्षाका कारण रुपन्देहीको शुद्धोधन गाउँपालिका–१ स्थित चम्कीपुरमा घमाहा खोलाले कटान गरेको क्षेत्र ।
जुम्लाको चन्दननाथ नगरपालिका – ६ स्थित खेतमा किसानले लगाएको कालीमार्सी धान । कालीमार्सी कात्तिकको पहिलो हप्तामा नै भित्र्याउन तयार हुने गर्छ ।
बेलौरी नगरपालिका हातिबोझाका किसान असारे बडायकले छरुवा प्रविधिबाट गरेको धानखेतीबारे जानकारी लिँदै कृषि ज्ञान केन्द्र कञ्चनपुरका अधिकृत रणबहादुर मल्ल ।
बागलुङको गलकोट नगरपालिका–५ मजुवा फाँटमा सञ्चालित ‘दरमखोला एग्रीकल्चर एण्ड लाइभस्टक फार्म’ मा पालिएका स्थानीय जातका कुखुरा । करिब रु एक करोडको लागतमा सञ्चालित फार्ममा कृषि र पशुपन्छी पालन गरिएको छ ।
घोराही –५ धारपानीमा ढुङ्गा खोपेर बनाइएको कालीको मूर्ति । यो मुर्ति भएको स्थानमा ठूलो ढुङ्गालाई कुदेर मूर्ति निर्माण गरिएको छ ।
१४औँ पुस्तकालय दिवसका अवसरमा मङ्गलबार म्याग्दी सामुदायिक पुस्तकालयले आयोजना गरेको कार्यक्रममा जिल्ला प्रहरी कार्यालय म्याग्दीको हिरासतमा स्थापना भएको पुस्तकालयका लागि प्रहरी निरीक्षक वीरेन्द्रराज गुरुङलाई पुस्तक हस्तान्तरण गर्दै प्रजिअ गणेशबहादुर अधिकारी ।
