सडक सञ्जालमा जोडिन बाँकी एक मात्रै जिल्ला सदरमुकाम सिमकोटवासी जोखिम मोलेर यात्रा गर्दै । सडक नहुँदा सिमकोट गाउँपालिका र आसपासका पालिकावासी उपचार वा उपभोग्य समान किन्न कष्टकर यात्रा गर्न बाध्य छन् ।
लगातारको बाढीले हेलम्बु, इन्द्रावती र पाँचपोखरी जाने बाटोमा पुल बगाएपछि मेलम्ची बजारमा थुप्रिएका यात्रुबाहक बस ।
बागलुङ जिल्लाको काठेखोला गाउँपालिका–३ धम्जाका गोपाल श्रीसको खरायो पालन ।
व्यास नगरपालिका–२ स्थित फ्रेण्ड्स फेशन गार्मेन्टमा काम गर्दै महिला तथा पुरुष । प्रोपाइटर तुलबहादुर सुनारले उद्योग सञ्चालन गरेपछि करीब ५० जनाले रोजगारीको अवसर पाएका छन् ।
मेलम्ची खोलालाई पुरानै धारमा फर्काउन स्काभेटरमार्फत काम गरिँदै । अहिले मेलम्ची बजार आसपास खोला क्षेत्रमा नगरपालिकाले पाँच वटा स्काभेटर मेशिन प्रयोग गरी नदीलाई पुरानै धारमा फर्काउने प्रयास गरिरहेको छ ।
स्वास्थ्य कार्यालय तनहुँमा कोभिड–१९ विरुद्धको खोप लगाउन लामबद्ध सर्वसाधारण । तत्काल विदेश जानेलाई लक्षित गरी कागजातका आधारमा बुधबार खोप सञ्चालन गरिएको छ ।
नागरिकलाई मास्क वितरण गर्दै अर्घाखाँचीको सन्धिखर्क नगरपालिकाका प्रमुख प्रशासकीय अधिकृत नारायण अर्याल ।
शुक्लाफाँटा नगरपालिका वडा नं ५ कार्यालयमा सामाजिक सुरक्षा भत्ता वितरणका गर्दै कर्मचारी । नगरपालिकाले वडा वडामा बैँकका कर्मचारी परिचालन गरी ज्येष्ठ नागरिक, जेष्ठ दलित, एकल महिला, अपाङ्गता भएका व्यक्ति र दलित समुदायका बालबालिकालाई पोषण भत्ता वितरण शुरु गरेको छ ।
नेपाल विद्युत प्राधिकरणका नवनियुक्त कार्यकारी निर्देशक कुलमान घिसिङ बुधबार कार्यालयमा पदभार सम्हाल्दै ।
