काठमाडौं । रिलायबल नेपाल लाइफ इन्स्योरेन्स कम्पनी ५औं वर्षमा प्रवेश गरेको छ । २०७४ भदौ १५ गतेदेखि जीवन बीमा व्यवसाय शुभारम्भ गरेको रिलायबल इन्स्योरेन्स कम्पनी ४ वर्ष पुरा गरी ५औं वर्षमा प्रवेश गरेको हो । स्थापना कालको छोटो अवधिमै पुराना जीवन बीमा कम्पनीलाई पछाडि पार्दै सर्वाधिक जीवन बीमा पोलिसी बिक्री गर्न सफल भएको छ ।
उक्त कम्पनी २०६४ मंसिर १८ गते पब्लिक लिमिटेड कम्पनीको रुपमा दर्ता भएको थियो । यस्तै रिलायबलले २०७४ साउन १८ गते जीवन बीमा सम्बन्धि कारोबार गर्ने इजाजतपत्र ‘लाइसेन्स’ प्राप्त गरेको थियो । कम्पनीले गत असार मसान्तसम्ममा ३६ लाख ९ हजार ६७८ वटा बीमा पोलिसी बिक्री गरेको छ । हाल ८२ वटा भन्दा धेरै शाखा कार्यालयमार्फत जीवन बीमाको सेवा प्रदान गरिरहेको छ ।
