काठमाडौं । साल्ट ट्रेडिङ कर्पोरेसनको नाफा ४ करोड ४७ लाख २० हजार रुपैयाँमा सिमित भएको छ । कम्पनीले गत आर्थिक वर्षको वित्तीय विवरण सार्वजनिक गर्दै नाफा २४.२६% ले घटेको जनाएको हो । गत वर्षको यसै अवधिमा कम्पनीले ६ करोड ३२ लाख ६९ हजार रुपैयाँ खुद नाफा गरेको थियो ।

कम्पनीको बिक्री आम्दानी सामान्य बढेर १० अर्ब ४० करोड ३५ लाख रुपैयाँ पुगेको छ । बिक्री लागत पनि ८ अर्ब ६६ करोड ४७ लाख रुपैयाँबाट बढेर ९ अर्ब ३४ करोड ६१ लाख रुपैयाँ पुगेको छ । जस कारण खुद नाफा प्रभावित भएको छ ।

कम्पनीको रिजर्भ कोष पनि २.७३% ले वृद्धि भएर १ अर्ब ३२ करोड ८१ लाख ४१ हजार रुपैयाँ पुगेको छ । यस्तै प्रतिसेयर आम्दानी १२ रुपैयाँ १५ पैसाले खुम्चिएर २० रुपैयाँ ८० पैसामा सीमित भएको छ । गत वर्ष प्रतिसेयर आम्दानी ३२ रुपैयाँ ७५ पैसा रहेको थियो ।