दाङ । सोनापुर मिनरल्स एण्ड आयल लिमिटेडले विद्युत् महसुलबापतको आधा अर्ब रुपैयाँ भन्दा बढी बक्यौता नतिरेको पाइएको छ । तायल समूहको यो कम्पनीले २०७४/०७५ देखि नेपाल विद्युत प्राधिकरणलाई ५४ करोड रुपैयाँ बक्यौता नतिरेको पाईएको हो ।
यता यो कम्पनीले आईपीओ निष्कासन गर्नको लागि एनआईबिएल एस क्यापिटललाई बिक्री प्रबन्धकमा नियुक्तसमेत गरिसकेको छ । उक्त कम्पनीले स्थानीय बासिन्दाहरु तथा सर्वसाधारणलाई गरी २ करोड कित्ता सेयर निष्कासन गर्ने तयारी थालेको छ ।
दाङ जिल्लामा अवस्थित यो कम्पनी पश्चिम नेपालकै सबैभन्दा ठूलो सिमेन्ट उत्पादक कम्पनी हो । कम्पनीले सोना सिमेन्ट, सोना टेक सिमेन्ट, सोनाली सिमेन्ट, सोना चाँदी सिमेन्ट, सोनापुर सिमेन्ट र सोनाश्री सिमेन्ट उत्पादन गर्दै आएको छ ।
