काठमाडौं । गत आर्थिक वर्षको चौथो त्रैमासमा स्वावलम्बन लघुवित्त वित्तीय संस्थाले ६१ करोड ९४ लाख ८२ हजार रुपैयाँ नाफा कमाएको वित्तीय विवरण सार्वजनिक गरेको छ । कम्पनीको यो नाफा अघिल्लो वर्षको तुलनामा ७३.९२% ले बढी हो । अघिल्लो वर्षको सोहि अवधिमा कम्पनीले ३५ करोड ६१ लाख ८५ हजार रुपैयाँ नाफा कमाएको थियो ।
यस्तै यो अवधिमा आउँदा कम्पनीको खुद ब्याज आम्दानी र सञ्चालन नाफा दुवै बढेको छ । यी दुई सूचक क्रमश : १५.६६% र ४८.८९% ले बढेका छन् । कम्पनीका अनुसार प्रतिसेयर आम्दानी २० रुपैयाँ ७४ पैसाले बढेर ६५ रुपैयाँ ६९ पैसा पुगेको छ । यस्तै प्रतिसेयर नेटवर्थ २८५ रुपैयाँ ९६ पैसा छ भने जगेडा कोष २८.३५% ले बढेर १ अर्ब ७४ करोड ८८ लाख ७३ हजार रुपैयाँ पुगेको वित्तीय विवरणमा उल्लेख छ ।
