काठमाडौं । स्वाभिमान लघुवित्त वित्तीय संस्थाले आर्थिक वर्ष २०७७/७८ को अन्त्यसम्ममा ५ करोड ५९ लाख १ हजार रुपैयाँ खुद नाफा कमाएको छ । कम्पनीको यो नाफा अघिल्लो वर्षको सोहि अवधिको तुलनामा १५५.३१% धेरै हो । कम्पनीको खुद ब्याज आम्दानी ५५.४३% र सञ्चालन नाफा ८९.१९% बढेको छ ।

यस्तै कम्पनीको रिजर्भ कोष ४६४.९२% ले वृद्धि गरी ६ करोड ६९ लाख ४३ हजार रुपैयाँ पुगेको छ भने खराब कर्जा ०.६९% मा सीमित गरेको छ । साथै प्रतिसेयर आम्दानी ६० रुपैयाँ ७३ पैसा रहेको छ ।

प्रतिसेयर आम्दानीमा पनि आकर्षक सुधार भएको छ । अघिल्लो वर्ष २८ रुपैयाँ ८५ पैसा रहेको प्रतिसेयर आम्दानी अहिले ६० रुपैयाँ ७३ पैसा छ ।