काठमाडौं । साताको कारोबारको अन्तिम दिन बिहीबार नेप्से १७.५७ अंकले बढेको छ । यस अवधिमा सबैभन्दा बढी कारोबार अरुण भ्याली हाइड्रोपावर डेभलपमेन्ट कम्पनीको भएको छ । यस कम्पनीको ९३ करोड ८४ लाख ४० हजार ९०० रुपैयाँ बराबरको सेयर कारोबार भएको छ ।
यसपछि अरुण काबेली पावर कम्पनी, रिदी हाइड्रोपावर डेभलपमेन्ट कम्पनी, महालक्ष्मी विकास बैंक, कामना सेवा विकास बैंक, आईसिएफसि फाइनान्स, रिलायन्स फाइनान्स, नेशनल हाइड्रोपावर कम्पनी, अपि पावर कम्पनी र नबिल बैंकको सर्वाधिक सेयर कारोबार भएको छ ।
नेपाल स्टक एक्सचेन्जका अनुसार आज कुल २२३ कम्पनीको २ करोड १६ लाख ९० हजार ५८५ कित्ता सेयर खरिद बिक्री हुँदा १३ अर्ब ४२ करोड १९ लाखमाथिको सेयर कारोबार भएको छ ।
