काठमाडौं । अरुण काबेली पावरको वार्षिक साधारणसभा भोलि (शनिबार) हुने भएको छ । कम्पनीको सभा केन्द्रीय कार्यालय ट्रेड टावर थापाथलीमा बिहान ११ बजेदेखि सुरु हुने भएको हो । सभामा कम्पनीले १७.८९% लाभांश पारित गर्ने विशेष प्रस्ताव लैजाने भएको छ ।
कम्पनीले गत आर्थिक वर्षको नाफाबाट लगानीकर्तालाई १७% बोनस सेयर र कर प्रयोजनको लागि ०.८९% लाभांश प्रस्ताव गरेको छ । बोनस सेयर वितरणपछि कायम चुक्ता पूँजीबाट १ः१ अनुपातमा हकप्रद सेयर निष्कासनको लागि स्वीकृत दिने प्रस्ताव सभामा लगिने भएको छ ।
कम्पनीले सभा र लाभांशको लागि भदौ १५ गतेदेखि भदौ २५ गतेसम्म बुक क्लोज गर्ने भएको छ । जस अनुसार भदौ १४ गतेसम्म कायम सेयरधनीले लाभांश पाउनेछन् ।
