काठमाडौँ । बैंकिङ कसूरको मुद्दामा फरार रहेका एक प्रतिवादी पक्राउ परेका छन् । नुवाकोट जिल्ला बेलकोटगढी नगरपालिका वडा नं.-१२ सिमपानी घर भई हाल काठमाडौं वडा नं.१६ माछापोखरी बस्ने वर्ष ५६ वर्षीय शिवराम गजुरेल सो कसुरमा पक्राउ परेका हुन् ।

उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी हाम्रो विकास बैंकको चेक काटी दिई बैंकिङ् कसूरजन्य अपराध गरेको ठहर भएको थियो । उच्च अदालत पाटनबाट मिति २०७८/०३/२८ गते उनीमाथि बैंकिङ कसूर तथा सजाय ऐन २०६४ बमोजिम ७ (सात) दिन कैद र १३ लाख पचास हजार जरिवाना सुनाएको थियो ।

उनलाई बालाजु शेषमतीपुलबाट पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरिएको छ ।