काठमाडौं । डिप्रोक्स लघुवित्त वित्तीय संस्थाले वार्षिक साधारणसभा बोलाएको छ । कम्पनीले २०औं वार्षिक साधारणसभा असोज २३ गते शनिबार बोलाएको हो । उक्त सभा चितवन गार्डेन रिसोर्ट चितवनमा बिहान ११ बजेदेखि सुरु हुने भएको छ । सभामा कम्पनीले आर्थिक वर्ष २०७७/७८ को नाफाबाट २० प्रतिशत बोनस सेयर र कर प्रयोजन सहित १.०५३५ प्रतिशत नगद गरी कुल २१.०५३ प्रतिशत लाभांश वितरण प्रस्ताव पेश गर्दैछ ।

सभामा सेयर संरचना र कर्मचारीको पद समायोजनको बिषयमा नाडेप लघुवित्तसँग असहमति भएकाले मर्जर प्रकृया अगाडी नबढेको र मर्जर गर्न पनि नसकिने भएकाले यो बिषय राष्ट्र बैंकलाई जानकारी गराई सकिएकाले अहिलेसम्म भए गरेका कामलाई अनुमोदन गर्ने र अहिलेसम्मका काम नियमन निकायहरुको निर्देशन अनुसार गराउनलाई सञ्चालक समितिलाई अख्तियारी प्रदान गर्ने एजेन्डा पनि रहेको कम्पनीले जनाएको छ ।

सभामा साधारण सेयरधनीको तर्फबाट ३ जना सञ्चालकको निर्वाचन गर्ने एजेण्डा पनि रहेको छ । यस्तै कम्पनीको प्रबन्धपत्र र नियमावलीमा संशोधन गर्ने एजेण्डा पनि छ । कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि रहनेछ । सभा प्रयोजनका लागि कम्पनीले असोज १२ गतेदेखि २३ गतेसम्म बुक क्लोज गर्ने भएको छ । त्यसकारण असोज ११ गतेसम्म कायम सेयरधनीले मात्र लाभांश पाउनेछन्