काठमाडौं । एनआइसी एसिया बैंकले आफ्नो स्वामित्वमा रहेको आरएमडीसी र मेरो माइक्रोफाइनान्सको संस्थापक सेयरमा आवेदन दिने आज शुक्रबार अन्तिम दिन रहेको छ । आज कार्यालय समयसम्म कम्पनीको सो सेयरमा आवेदन दिन पाइने भएको हो ।

बैंकले भदौ ४ गतेदेखि आफ्नो स्वामित्वमा रहेको आरएमडीसी लघुवित्त र मेरो माइक्रोफाइनान्सको संस्थापक सेयर लिलामीमा ल्याएको हो । आरएमडीसीको न्यूनतम ६०३ रुपैयाँमा ३ लाख ६ हजार ६५ र मेरोको ५७६ रुपैयाँ न्यूनतम रुपैयाँ भाउमा ८६ हजार ३३९ कित्ता सेयर रहेको छ ।

बैंकको सो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले दौ १८ गतेसम्म आवेदन दिन सक्नेछन् । यसमा न्यूनतम १०० कित्ता वा अधिकतम सम्पूर्ण कित्ताका लागि पनि आवेदन दिन सकिनेछ भने लिलामीको बोलपत्र बिक्री प्रबन्धक एनआइसी एसिया क्यापिटल, बबरमहलमा बुझाउनुपर्नेछ ।