काठमाडौं । प्राइम कमर्सियल बैंक लिमिटेड १५औं वर्षमा प्रवेश गरेको छ । बैंकको सुरुमा १००० कित्ता सेयर खरिद गर्ने लगानीकर्ताको आर्थिक वर्ष २०७६/७७ को लाभांशसम्म हिसाब गर्दा ११ हजार ४०० कित्ता सेयर पुगेको छ । कम्पनीले वार्षिकउत्सवको अवसरमा सो जानकारी दिएको हो ।
कम्पनीले आर्थिक वर्ष २०७७/७८ को लाभांश प्रस्ताव नगरेको अवस्थामा अझै सेयर थपिने सम्भावना रहेको छ । कम्पनीले प्रदान गरेको तथ्याङ्कलाई आधार मान्दा लगानीकर्ताको सेयर ११ गुणा भन्दा धेरैले वृद्धि भएको हो । कम्पनीका अनुसार कम्पनीको हाल चुक्ता पुँजी १६ अर्ब ८ करोड, १८९ शाखा संजाल, निक्षेप १६० अर्ब, कर्जा १४२.९८ अर्ब, ग्राहक संख्या ९ लाख ३३ हजार ५ सय २७, संचालन नाफा ४ अर्ब ६९ करोड रहेको छ । यस्तै कम्पनीले सरकारलाई वार्षिक करिब २ अर्ब राजस्व तिरिरहेको छ ।
