काठमाडौं । युनिलिभर नेपाल लिमिटेडले लाभांश घोषणा गरेको छ । कम्पनीको सोमबार बसेको सञ्चालक समिति बैठकले आर्थिक वर्ष २०७७/७८ को नाफाबाट लगानीकर्ताहरुलाई प्रतिकित्ता ५६० रुपैयाँका दरले नगद लाभांश दिने घोषणा गरेको हो ।
यो लाभांश प्रस्ताव आगामी वार्षिक साधारणसभाबाट पारित भएपछि वितरण हुनेछ । कम्पनीले अघिल्लो वर्ष प्रतिकित्ता १०० रुपैयाँ मात्र नगद दिएको थियो । सभाको लागि कम्पनीले असोज २५ गते बुक क्लोज गर्ने घोषणा गरेको छ । यसर्थ असोज २४ गतेसम्म कायम सेयरधनीले मात्र लाभांश पाउन सक्नेछन् ।
