काठमाडौं । बेस्ट फाइनान्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले  १२ करोड ११ लाख ६० हजार रुपैयाँ खुद नाफा कमाएको वित्तीय विवरण सार्वजनिक गरेको हो । अघिल्लो वर्ष यसै अवधिमा कम्पनी ८९ लाख ९९ हजार रुपैयाँ नोक्सानमा थियो ।

यस्तै यो अवधिमा आउँदा सञ्चालन आम्दानी १३ करोड ८१ लाख ६७ हजार रुपैयाँ नाफामा रहेको कम्पनीले जनाएको  छ । अघिल्लो वर्ष भने सो सूचक ६० लाख रुपैयाँ नोक्सानमा रहेको थियो । असोज मसान्तसम्ममा फाइनान्सको १२ करोड ६६ लाख ९८ हजार रुपैयाँ इम्पेरिमेन्ट चार्ज रिभर्स भएको छ भने खुद ब्याज अम्दानी ३.५७% ले घटेर २ करोड ७२ लाख ५९ हजार रुपैयाँमा सीमित भएको छ ।

यता कम्पनीको प्रतिसेयर आम्दानीमा पनि आकर्षक वृद्धि भएको छ । प्रतिसेयर आम्दानी ६२ रुपैयाँ ८१ पैसाले बढेर ५८ रुपैयाँ ४७ पैसा पुगेको छ भने प्रतिसेयर नेटवर्थ १२५ रुपैयाँ ३५ पैसा छ ।