काठमाडौं । फर्स्ट माइक्रोफाइनान्सले आर्थिक वर्ष २०७८/७९ को पहिलो त्रैमासको वित्तीय विवरण प्रकाशित गरेको छ । कम्पनीले खुद नाफा ०.२३% ले घटेर २ करोड ९६ लाख ४८ हजार रुपैयाँमा झरेको वित्तीय विवरण प्रकाशित गरेको हो । अघिल्लो वर्ष यसैअवधिमा कम्पनीले २ करोड ९७ लाख १६ हजार रुपैयाँ खुद नाफा कमाएको थियो।

वित्तीय विवरण अनुसार कम्पनीको खुद ब्याज आम्दानी ९.१७% ले घटेको छ भने  सञ्चालन नाफा पनि ०.२३% ले घटेर ४ करोड ७० लाख ६० हजार रुपैयाँमा आएको छ । यस्तै असोज मसान्तसम्म आइपुग्दा कम्पनीको चुक्ता पूँजी ९६ करोड ४४ लाख ९२ हजार रुपैयाँ र जगेडा कोषमा २० करोड ३६ लाख २० हजार रुपैयाँ रहेको कम्पनीले जनाएको छ ।

यस्तै यस अवधिमा कम्पनीको प्रतिसेयर आम्दानी १ रुपैयाँ २६ पैसाले घटेर १२ रुपैयाँ ३० पैसामा आएको छ  प्रतिसेयर नेटवर्थ १२१ रुपैयाँ ११ पैसा छ ।