काठमाडौं । एनसेल आजियाटा लिमिटेडको दोस्रो वार्षिक साधारणसभा कार्तिक २९ गते हुने भएको छ । कम्पनीको सभा लैनचौरस्थित आफ्नै कर्पोरेट कार्यालयमा हुने भएको हो । कम्पनीले सभामार्फत सञ्चालक समितिको वार्षिक प्रतिवेदन पारित गर्ने, लेखापरीक्षकको प्रतिवेदन सहितको वासलात, नाफारनोक्सान हिसाब तथा नगद प्रवाहलगायत वितिय विवरण पारित गरिने जनाएको छ ।
यस्तै कम्पनीको लेखापरीक्षण कार्यको लागि लेखापरीक्षकको नियुक्ति गर्ने र निजको पारिश्रमिक निर्धारण गर्ने एजेण्डा पनि सभामा छ । यस्तै ऋण सम्बन्धमा र आर्थिक वर्ष ७७/७८ मा कम्पनीले संस्थागत सामाजिक उत्तरदायित्वसँग सम्बन्धित क्रियाकलापहरुमा गरेको खर्च अनमोदन गर्ने विशेष प्रस्ताव पेस गर्ने कम्पनीले जनाएको छ ।
