धनुषा । धनुषाको विदेह नगरपालिका-७ बेलापट्टीस्थित रोशन ज्योती आयल स्टोर (पेट्रोल पम्प) बाट ६ लाख रुपैयाँ लुटपाट भएको छ । लुटेराको समूहले गएराति सो पम्पबाट नगद ६ लाख रुपैयाँ लुटपाट गरेको प्रहरीले जनाएको हो ।
प्रहरीका अनुसार ६/७ जनाको समूहमा आएका लुटेराको समूहले उक्त आयल स्टोरको ढोका फोडी आयल संचालक विदेह नगरपालिका-८ बफही बस्ने ४० वर्षीय शम्भु साहलाई कुटपिट गरी काउण्टरमा रहेको उक्त नगद लुटी फरार भएका थिए ।
प्रहरी चौकी गिद्दा एवं सिमानाकाहरुमा पर्ने प्रहरी इकाईहरुबाट खटिएको प्रहरीले लुटपाटमा संलग्न फरार व्यक्तिहरुको खोजी गरिरहेको छ ।
