सुनसरी । बैंकिङ कसुरको मुद्दामा फरार रहेकी प्रतिवादीलाई प्रहरीले पक्राउ गरेको छ । सो मुद्दामा प्रदेश-१ को प्रदेश प्रहरी कार्यालय विराटनगरले धरान उपमहानगरपालिका-३ बस्ने ३८ बर्षीया रानी कुमारी साहलाई उनकै गाउँघरमा लुकिछिपी बसेको अवस्थामा पक्राउ गरेको हो ।
उनलाई उच्च अदालत मोरङको २०७६ माघ ६ गतेको फैसलाले बैंकिङ कसूर मुद्दामा १ महिना कैद र ५ लाख रुपैयाँ जरिवाना सुनाएको थियो । उनलाई जिल्ला अदालत सुनसरीमा उपस्थित गराइ कैद भुक्तानका लागि कारागार चलान गरिएको प्रदेश-१ प्रहरी कार्यालय विराटनगरले जनाएको छ ।
