काठमाडौं । रु रु जलविद्युत् परियोजनाको वार्षिक साधारणसभा सम्पन्न भएको छ । सभा कम्पनीको रजिष्टर्ड कार्यालय हात्तिसारमा सम्पन्न भएको हो । सभाले कम्पनीले दुई वटा आर्थिक वर्षको लाभांश वितरण गर्ने प्रस्ताव पारित गरेको छ ।
सभाले आव २०७६/७७ को १०.५२६३% नगद लाभांश र आव २०७७/७८ को नाफाबाट १०% बोनस सेयर र ०.५२६३% नगद लाभांश कर प्रयोजनको लागि वितरण गर्ने प्रस्ताव पारित गरेको हो । कम्पनीले सभा र लाभांश वितरणको लागि असोज ७ गते बुक क्लोज गरेसँगै असोज ६ गतेसम्म कायम सेयरधनीले लाभांश पाउनेछन् ।
साथै सभाबाट आगामी चार वर्षका लागि कम्पनीको सञ्चालक समितिमा संस्थापक सेयरधनी समूहबाट पाँच जना, सर्वसाधारण सेयरधनी समूहबाट एक जना सञ्चालक सर्वसम्मत रुपमा निर्वाचित भएका छन् । यस्तै सभाबाट एक जना स्वतन्त्र सञ्चालक पनि निर्वाचित भएका छन् ।
सञ्चालकहरुमा आशिष सुवेदी, भरत प्रसाद नेपाल, चन्द्र बहादुर पुन, सागर पाठक र सरिता शाक्य प्रधान संस्थापक समूहबाट,सर्वसाधारण समूहबाट गरिमा अधिकारी र स्वतन्त्र सञ्चालकबाट गोबिन्द चालिसे रहेका छन् ।
