काठमाडौं । सामलिङ पावर कम्पनीको आइपीओमा ९ लाख ४८ हजार ४०५ जनाले आवेदन दिएका छन् । बिक्री प्रबन्धक नेपाल एसबीआई मर्चेन्ट बैंकिङका अनुसार शुक्रबार दिउँसो २ बजेसम्म ९ लाख ४८ हजार ४०५ जनाले १ करोड १३ लाख ८६ हजार २३० कित्ताका लागि आवेदन दिएको जनाएको हो । जुन माग भन्दा १६.७७ गुणा बढी आवेदन हो ।
यस कम्पनीले हिजो बिहीबारदेखि ७ लाख ३० हजार कित्ता आइपीओ जारी गरेको हो । जसमध्ये २% अर्थात् १४ हजार ६ सय कित्ता कर्मचारी र ५% अर्थात् ३६ हजार ५ सय कित्ता म्युचुअल फन्डको लागि छुट्याएको छ । बाँकी ६ लाख ७८ हजार ९ सय कित्ता सर्वसाधरणका लागि खुला गरिएको हो । लगानीकर्ताले कात्तिक ८ गतेसम्म आवेदन दिन सक्नेछन् ।
