शुक्लाफाँटा नगरपालिका–१२ कालागौंडीमा काटेर सुकाइएको धान भिजेपछि पानीबाट निकाल्दै किसान ।
घोराही –५ धर्नाको बबई खोलामा माछा मार्दै स्थानीयवासी ।
अविरल वर्षाका कारणले सुनसरीको भोक्राहा नरसिंह गाउँपालिका–५ मा डुबानमा परेको प्लाई उद्योग ।
भmरी र हुरीका कारण बारीमा नै ढलेको म्याग्दीको मालिका गाउँपालिकाको देविस्थानमा लगाइएको कोदोबाली । म्याग्दीका केही ठाउँमा मात्र कोदो खेती गरिन्छ ।
अविरल वर्षाका कारण धनगढी उपमहानगरपालिका–२ बैयाबेहडीमा डुबानमा परेको स्थानीय कृषकको धानबाली ।
कुहिरोले ढाकिएको तनहुँको व्यास नगरपालिका–५ स्थित मानुङडाँडा । केही दिनदेखि परेको वर्षाका कारण मौसम राम्रोसँग खुल्न सकेको छैन ।
लगातारको बर्षासँगै आएको बाढीमा परेर पूर्व–पश्चिम राजमार्गअन्तर्गत सुनसरीको भोक्राहा नरसिंह गाउँपालिका–५ स्थित जनता चौकमा दुर्घटना भएको बस ।
सप्तरीको तिरहुत गाउँपालिकामा लगातार दुई/तीन दिनदेखि परेको अत्यधिक बर्षाका कारण सुन्दरी खोलामा आएको बाढीले बगाएको धानबाली उठाउँदै किसान ।
लगातार दुई/तीन दिनदेखि परेको अत्यधिक बर्षाका कारण सुन्दरी खोलामा आएको बाढीले सप्तरीको तिरुहत गाउँपालिका र कञ्चनरुप नगरपालिकाको बीचमा रहेको खेतमा बाढीले क्षति गरेको धानबाली बचाउनको लागि पानीबाट धानबाली छान्दै किसान ।
मौसम खुलेपछि स्वयम्भूबाट देखिएको हल्चोक क्षेत्र ।
तनहुँको देवघाट गाउँपालिका–२ खाल्टेस्थित धानबाली वर्षाले नष्ट । केही दिनदेखि परेको वर्षाका कारण जिल्लाका अधिकांश ठाउँका धानबाली नष्ट भएको छ ।
दशैँपछि कास्कीको अन्नपूर्ण गाउँपालिकामा अवस्थित घान्द्रुक गुरुङ बस्ती घुम्न आएका स्वदेशी तथा विदेशी पर्यटक फोटो खिच्दै ।
ताप्लेजुङको फक्ताङ्लुङ गाउँपालिका—६, इला डाँडाखण्डमा राष्ट्रिय गौरवको आयोजना तमोर कोरिडोर सडकको ग्याबिन वाल बनाउँदै श्रमिक । कोरिडोरमार्फत नेपाल र चीन सडक सञ्जाल जोडिन तीन किलोमिटर मात्र बाँकी रहेको छ ।
