हेलिकप्टरबाट खाद्यान्न झारिएपछि बोकेर लैजाँदै व्याँस गाउँपालिकाका स्थानीय महिला । खाद्यान्न अभाव भएको दार्चुलाको व्याँस गाउँपालिकामा खाद्य संस्थानमार्फत दसैँ तिहारका लागि हेलिकप्टरबाट छांगरु, तिंकर, दुम्लीङ, राप्ला, माल, सीना, सुनसेरा लगायतका स्थानमा ६ सय क्वीन्टल खाद्यान्न हेलिकोप्टरबाट ढुवानी भइरहेको छ ।
लालीखर्कबाट देखिएको फिदिम बजारको रमणीय दृष्य ।
राष्ट्रिय गौरवको आयोजना पुष्पलाल (मध्यपहाडी)लोकमार्ग अन्तर्गत पर्वतको कुश्मा बजारमा निर्माण गरिएको सडक बगैँचामा दुवो लगाउँदै मजदुर ।
हुम्लामा विद्युत् आपूर्ति बन्द भएपछि छिमेकी जिल्ला मुगुबाट खच्चडमा ग्यास बोकाएर ढुवानी गरिँदै ।
सिमकोट विमानस्थलबाट बजारमा खानेपानी ओर्सानका लागी प्रयोग गरीने प्लास्टिकका भाँडा अनुहारनै छोपिनेगरी बोकेर हिँड्दै गरेकी एक स्थानीयबासी महिला ।
कपिलवस्तुको कृष्णनगर नगरपालिकाको वडा नं ७, ८,९ मा फैलिएको झाडापखालाबाट बिरामी भएकालाई बेडको अभावमा शिवराज अस्पताल परिसरमा राखेर उपचार गरिँदै । सो अस्पतालमा झाडापखालाका ५२ जना बिरामीलाई भर्ना गरिएको छ भने सात जनालाई थप उपचारका लागि प्रादेशिक अस्पताल बुटवल रिफर गरिएको डा मुकेश चौधरीले बताउनुभयो ।
दशैँका लागि लक्षित गरी हिमालपारिको जिल्ला मुस्ताङबाट ल्याइएका च्याङ्ग्रा बेनी हुँदै पोखरातर्फ लगिँदै ।
म्याग्दीको बेनी नगरपालिका–२, फापरखेतमा लटरम्म फलेको टिप्ने वेला भएका टिम्मुर । टिम्मुरलाई हाडजोर्नी दुख्दा, पेट दुख्दा, लेक लाग्दा औषधिका रुपमा प्रयोग गर्न सकिन्छ भने अचारका रुपमा पनि प्रयोग गर्ने गरिन्छ ।
