काठमाडौं । युनिलिभर नेपाल लिमिटेडको वार्षिक साधारणसभा हुने भएको छ । कम्पनीको २८औं वार्षिक साधारणसभा कात्तिक ११ गते बिहिबार हुने भएको हो । सभा कम्पनीको कर्पोरेट कार्यालय सिटी स्क्वेयर बिल्डिङ्ग नयाँ बानेश्वर काठमाडौंमा दिउँसो ३ः४५ बजेदेखि सुरु हुने भएको छ । उक्त सभा भर्चुअल अर्थात् भिडियो कन्फरेन्समार्फत हुन लागेको हो ।

यस सभाले सञ्चालक समितिले सिफरिस गरे बमोजिम अर्थात प्रतिसेयर ६५० रुपैयाँ नगद लाभांश वितरण गर्ने प्रस्ताव पारित गर्नेछ । यस्तै सभामा आर्थिक वर्ष २०७७/७८ को वार्षिक प्रतिवेदनमा पनि छलफल हुने भएको छ । सोही आर्थिक वर्षको नाफा नोक्सान, नगद प्रवाहमा पनि छलफल गर्ने एजेण्डा पनि रहेको छ ।

यसका साथै कम्पनीको संगठित सामाजिक जिम्मेवारी अन्तर्गतका परियोजनाहरुको खर्चहरु पारित गर्ने, सर्वसाधारण सेयरधनीहरुको प्रतिनिधित्व गर्ने रनिर्देशक नियुक्त गर्ने लगायतका प्रस्तावहरु पनि रहेका छन् । साधारण सभा प्रयोजनार्थ कम्पनीले असोज २५ गतेदेखि कात्तिक ११ गतेसम्म बुक क्लोज गर्ने भएको छ । यसकारण असोज २४ गतेसम्म कायम सेयरधनीहरुले मात्र प्रस्तावित लाभांश र साधारणसभामाा भाग लिन पाउनेछन् ।