काठमाडौं । अप्पर स्यांगे हाइड्रोपावर कम्पनीले आइपीओ निष्कासन गर्ने भएको छ । आइपीओ निष्कासन गर्ने प्रस्ताव पारित गर्न आज आइतबार केन्द्रीय कार्यालय चन्डोल ४ काठमाडौंमा बिहान ११ बजेदेखि कम्पनीको वार्षिक साधारणसभा बसेको छ ।
सभामा कम्पनीको अधिकृत र जारी पुँजी वृद्धि गरी प्रबन्धपत्र तथा नियामालीमा संशोधन गर्ने एजेन्डा पनि छ । यस्तै, आर्थिक वर्ष २०७७/७८ को वार्षिक प्रतिवेदन लगायतका प्रस्ताव पनि पेश गरिनेछ । आर्थिक वर्ष २०७८/७९ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि रहेको छ ।
