काठमाडौं । चिनियाँ नागरिकले ड्युटीमा खटिएका प्रहरीमाथी हातपात गरेका छन् । शनिबार दरबारमार्गमा ड्युटीमा खटिएको प्रहरीमाथि दिनदहाडै चिनियाँ नागरिक हातपात गरेका हुन् । प्रहरीमाथि हातपात गर्न खोजेपछि ३ जनालाई नियन्त्रणमा लिएको महानगरीय प्रहरी परिसर काठमाडौंका प्रहरी प्रमुख प्रहरी बरिष्ठ उपरीक्षक (एसएसपी) अशोक सिंहले बताएका छन् ।

‘आफ्नै ड्युटीमा खटिएका प्रहरीसँग विवाद गर्न खोजेपछि उनीहरुलाई नियन्त्रणमा लिइएको हो,’ एसएसपी सिंहले भने, ‘उनीहरुको साथबाट रड समेत बरामद भएको छ ।’ पक्राउ परेका तीनै जनाविरुद्ध अभद्र व्यवहारमा मुद्दा चलाइने भएको छ ।