काठमाडौं । बैंक अफ काठमाण्डूले पनि चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । बैंकले २५ करोड ३४ लाख रुपैयाँ खुद नाफा कमाएको वित्तीय विवरण सार्वजनिक गरेको हो । यो नाफा गत वर्षको भन्दा ५% धेरै हो ।
यता बैंकको खुद ब्याज आम्दानी र सञ्चालन नाफा क्रमशः ३.१७% र ५% ले बढेको छ । बैंकका अनुसार असोज मसान्तसम्म वितरणयोग्य नाफा २ करोड ९२ लाख रुपैयाँ रहेको छ ।
यो त्रैमाससम्म बैंकले १ खर्ब २ अर्ब रुपैयाँ निक्षेप संकलन गर्दा १ खर्ब ६ करोड रुपैयाँ कर्जा लगानी गरेको छ । बैंकको प्रतिसेयर आम्दानी १० रुपैयाँ ५० पैसा (वार्षिक) रहेको छ ।
