काठमाडौं । बैंक अफ काठमाण्डूले बुक क्लोज मिति तय गरेको छ । यस्तै बैंकको सञ्चालक समितिको सोमबार बसेको बैठकले मंसिर २९ मा सभा गर्ने निर्णय गरेको छ । यता बैंकले सभा प्रयोजनका लागि मंसिर १० गतेदेखि सभा हुने दिनसम्म बुक क्लोज गर्ने भएको छ । तसर्थ मंसिर ९ गतेसम्म कायम सेयरधनीले लाभांश सुरक्षित गर्न सक्नेछन् ।
सभामा बैंकले १४ प्रतिशत लाभांश वितरण गर्ने प्रस्ताव पेश गर्नेछ । यस्तै बैंकले आर्थिक वर्ष २०७७/७८ को नाफाबाट १० प्रतिशत बोनस र कर सहित ४ प्रतिशत नगद लाभांश दिने निर्णय गरेको हो । यो लाभांश नेपाल राष्ट्र बैंक स्वीकृत गरेपछि र आगामी वार्षिक साधारणसभाले अनुमोदन गरेपछि मात्र सेयरधनीहरुले पाउनेछन् ।
