काठमाडौं । वरुण हाइड्रोपावर कम्पनीले चालु आर्थिक वर्षको पहिलो त्रैमासमा १ करोड १० लाख रुपैयाँ खुद नाफा आर्जन गरेको छ । यो नाफा गत वर्षको भन्दा ५६४.९२ प्रतिशतले धेरै हो । गत वर्ष कम्पनीले १६ लाख १५ हजार रुपैयाँ मात्र नाफा आर्जन गरेको थियो । यस्तै कम्पनीको विद्युत् बिक्रीबाट हुने आम्दानी पनि ७०.८७ प्रतिशतले बढेर ३ करोड २४ लाख रुपैयाँ पुगेको छ ।

गत वर्ष कम्पनीले विद्युत् बिक्रीबाट १ करोड ८९ लाख रुपैयाँ आम्दानी गरेको थियो । हेवा खोला जलबिद्युत आयोजना पूर्ण रुपमा सञ्चालन भएकोले गर्दा नाफा बढेको कम्पनीले जनाएको छ । कम्पनीको प्रतिसेयर आम्दानी १६ रुपैयाँ ५३ पैसा (वार्षिक) रहेको छ भने प्रतिसेयर नेटवर्थ १०५ रुपैयाँ ५९ पैसा रहेको छ । रिजर्भ कोषमा १ करोड ४९ लाख रुपैयाँ रहेको कम्पनीको चुक्ता पुँजी २६ करोड ७९ लाख ७ हजार रुपैयाँ रहको छ ।