काठमाडौं । छिमेक लघुवित्त वित्तीय संस्थाले चालु आर्थिक वर्षको पहिलो त्रैमासको वित्तयि विवरण प्रकाशित गरेको छ । कम्पनीले पहिलो त्रैमासमा २१ करोड ४१ लाख ६ हजार रुपैयाँ खुद नाफा आर्जन गरेको छ । जुन नाफा गत वर्षको तुलनामा २३१.५४ प्रतिशतले बढी हो । यस्तै कम्पनीको खुद ब्याज आम्दानी पनि २३.५० प्रतिशतले बढेको छ ।
गत वर्ष सञ्चालन नाफा नोक्सानमा गएको कम्पनीले यस त्रैमासमा ३१ करोड ५२ लाख ४३ हजार रुपैयाँ सञ्चालन नाफा गरको छ । यस्तै १८.४८ प्रतिशत निक्षेप संकलन गरेको कम्पनीले र १८.७७ प्रतिशत कर्जा लगानी गरेको छ । कम्पनीको रिजर्भ कोष ८४.९५ प्रतिशतले बढेर ३ अर्ब २८ करोड ७० लाख ५४ हजार रुपैयाँ पुगेको छ । यसैगरी प्रतिसेयर आम्दानी २९ रुपैयाँ ५८ पैसाले बढेर ४६ रुपैयाँ ८० पैसा पुगेको छ भने प्रतिसेयर नेटवर्थ पनि ६१ रुपैयाँ १४ पैसाले वृद्धि भएर २७९ रुपैयाँ ६२ पैसा पुगेको छ ।
