काठमाडौं । चिलिमे हाइड्रोपावर कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा २० करोड ९८ लाख ६९ हजार रुपैयाँ खुद नाफा आर्जन गरेको छ । जुन खुद नाफा गत वर्र्षकोभन्दा ६ प्रतिशतले कम हो । अघिल्लो वर्ष यसै अवधिमा कम्पनीले २२ करोड ३२ लाख ७९ हजार रुपैयाँ खुद नाफा आर्जन गरेको थियो ।

गत वर्ष यसै अवधिमा विद्युत बिक्रीबाट ३६ करोड ३९ लाख ४७ हजार रुपैयाँ आम्दानी गरेको कम्पनीले यस त्रैमासमा विद्युत बिक्रीबाट ३५ करोड १६ लाख ७८ हजार रुपैयाँ आम्दानी गरेको छ । यस्तै सञ्चालन नाफा पनि ५.४२ प्रतिशतले घटेर २३ करोड ५९ लाख ७ हजार रुपैयाँ पुगेको छ ।

यस कम्पनीको प्रतिसेयर आम्दानी १५ रुपैयाँ ४९ पैसाबाट घटेर १२ रुपैयाँ १५ पैसा पुगेको छ भने प्रतिसेयर नेटवर्थ १७९ रुपैयाँ २५ पैसाबाट घटेर १६३ रुपैयाँ ९२ पैसा पुगेको छ । रिटेन्ड अर्निङ ४ अर्ब ३ करोड १७ लाख ९० हजार रुपैयाँ रहेको कम्पनीको चुक्ता पुँजी ६ अर्ब २८ करोड ७ लाख ३९ हजार रुपैयाँ रहेको छ ।