काठमाडौं । ११.११ को पूर्वसन्ध्यामा, दराजले ११ प्रख्यात सेलिब्रेटीहरू सहित, कार्यक्रम प्रस्तोता सुरज सिंह ठकुरी र मालभिका सुब्बासँग दराज प्रयोगकर्ताहरूका लागि भव्य गाला लाइभ आयोजना गर्न गइरहेको छ । यस कार्यक्रममा नेस स्टुडियोको सांगीतिक प्रस्तुति, अन्तरक्रियात्मक खेलहरू र दराज प्रयोगकर्ताहरूका लागी नयाँ टिभिएस रेडर लगायत राम्रा पुरस्कारहरू जित्ने मौका रहेको दराजले जनाएको छ । उक्त कार्यक्रम विशेष रूपमा दराज एपको नयाँ दराज लाइभ फिचर मार्फत नोभेम्बर १० मा प्रत्यक्ष प्रसारण गरिनेछ । लाइभस्ट्रिमिङ विगत केही वर्षहरूमा निकै लोकप्रिय हुँदै गईरहेको छ । यसको मुख्य कारण भने कोभिड महामारीमा धेरै ब्रान्ड, बिक्रेता, व्यवसाय र उपभोक्ताहरूले व्यापार, संलग्नता, र मनोरन्जनको नयाँ तरिकाको खोजिमा आफ्नो ऊर्जा अनलाइन सारे । र यसरि नै लाइभस्ट्रिमिङ अहिले आफैंमा एक ठूलो उद्योग भएको छ ।
चीनको लाइभस्ट्रिमिङ उद्योग मात्र करिब ५ अर्ब अमेरिकी डलर रहेको बताइएको छ र विश्वव्यापी रूपमा लाइभ स्ट्रिमिङ उद्योग २०२७ सम्ममा १८४.३ अर्ब अमेरिकी डलर हुने अपेक्षा गरिएको छ । यसो भनिरहँदा, नेपालको अग्रणी अनलाइन बजार र अलिबाबा समूहको, दराजले भदौ २०७८(सेप्टेम्बर २०२१)मा देशको पहिलो इन-एप सपिङ लाइभ स्ट्रिम दराज लाइभ प्रयोगकर्ताको सामु पेश गर्यो । नेपालमा अनलाइन किनमेललाई पुनः आविष्कार गर्ने दृष्टि राखी र अलिबाबाको अनुभव, अन्तरदृष्टि र प्रविधिहरूको सदुपयोग गर्दै, दराज लाइभ प्रस्तुत गरेको कम्पनीले जनाएको छ । अनलाइन शपिंग र मनोरञ्जनलाई मिलाएर, दराज लाइभले नवीन र रमाइलो अनुभव प्रस्तुत गर्दछ जहाँ ग्राहक, ब्रान्ड र बिक्रेताहरूले दराज एप मार्फत प्रत्यक्ष छलफल, उत्पादन प्रदर्शन र एकै साथ खरिद गर्ने समृद्ध अनुभव प्राप्त गर्न सक्दछन्।
‘हामी दराज लाइभ मार्फत ग्राहक र बिक्रेता बिचको सम्बन्धलाई अझ बढि मजबूत गर्ने आशा गर्दछौं । हामी एक बलियो समुदाय निर्माण गर्न चाहन्छौं, जहाँ अनलाइन शपिंगको कुरा आउँदा ग्राहकहरूले खोजिरहेको कुनै पनि जानकारी प्रतक्ष्य बिक्रेताबाट पाउन”, दराज नेपालका प्रबन्ध निर्देशक लिनो अलरिङ्गले भने । दराज लाइभ मार्फत, दराजले दक्षिण पूर्व एशियाको अग्रणी ई-कमर्स प्लेटफर्म लजाडाले सुरु गरेको ल्याज लाइभको सफलतालाई दोहोर्याउने लक्ष्य राखेको छ । अप्रिल २०२० मा, ल्याज लाइभले २७ लाख भन्दा बढी नयाँ प्रयोगकर्ताहरू प्राप्त गर्यो र त्यसपश्चात उक्त क्षेत्रको बिक्रेता, व्यवसाय र उपभोक्ताहरूको संलग्नता र मनोरन्जनको सबैभन्दा मनपर्नेे मंच भएको छ । वर्षकै सबै भन्दा ठुलो सेल-११.११ को बारेमा थप जान्न र सङ्कलन गर्न मिल्ने धेरै भाउचरहरू जित्नका लागि, दराजले आफ्ना प्रयोगकर्ताहरूलाई नोभेम्बर १ देखि दराज एप मार्फत दैनिक दराज लाइभमा जोडिन सिफारिस गर्दछ ।
