कैलाली । घोडीघोडा लघुवित्त वित्तीय संस्थाले छैठौं वार्षिक साधारणसभा डाकेको छ । संस्थाको साधारणसभा पुस १० गते हुने भएको हो । सभा बिहान १० बजे होटल रुबस बैयावेहडी धनगढी कैलालीमा हुने संस्थाले जनाएको छ ।

संस्थाको मंसिर १० गते बसेको सञ्चालक समितिको बैठकले साधारणसभा गर्ने निर्णय गरेको हो । कम्पनीले गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरण छलफल गरी पारित गर्ने एजेण्डा रहेको छ । साथै चालु आर्थिक वर्षका लागि लेखापरीक्षक नियुक्त गर्ने प्रस्ताव पनि रहेको छ ।

घोडीघोडा लघुवित्त वित्तीय संस्था र युनिक लघुवित्त वित्तीय संस्थाबीच २०७७ कात्तिक २१ गते मर्जर सम्बन्धी प्रारम्भिक समझदारी भएकाले यस घोडीघोडा लघुवित्तको सेयर कारोबार रोक्का रहेको छ ।