काठमाडौं । ग्रामीण विकास लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा ९ करोड २० लाख रुपैयाँ नाफा आर्जन गरेको छ । जुन नाफा गत वर्षको भन्दा ११८.८४ प्रतिशतले बढी हो । गत वर्ष कम्पनीले ४ करोड २० लाख रुपैयाँ नाफा आर्जन गरेको थियो । यस्तै कम्पनीले ३० करोड २० लाख रुपैयाँ खुद ब्याज आम्दानी गरेको छ । जुन खुद ब्याज आम्दानी गत वर्षको भन्दा ३९.४३ प्रतिशतले बढी हो ।
गत वर्ष कम्पनीले २१ करोड ६६ लाख रुपैयाँ खुद ब्याज आम्दानी गरेको थियो । कम्पनीले सञ्चालन नाफा भने १३ करोड ५४ लाख रुपैयाँ गरेको छ । जुन सञ्चालन नाफा गत वर्षको भन्दा ९७५.११ प्रतिशतले बढी हो । गत वर्ष कम्पनीले १ करोड २५ लाख रुपैयाँ सञ्चालन नाफा आर्जन गरेको थियो । यस्तै गत वर्ष ४.१६ प्रतिशत खराब कर्जा रहेको कम्पनीको यो त्रैमाससम्म आउँँदा घटेर ३.२५ प्रतिशत पुगेको छ ।
असोज मसान्तसम्म कम्पनीले ३ अर्ब ८४ करोड रुपैयाँ निक्षेप संकलन गरेको छ भने १३ अर्ब ५९ करोड रुपैयाँ कर्जा लगानी गरेको छ । यस्तै कम्पनीको रिजर्भ कोषमा १ अर्ब १० करोड रुपैयाँ रहेको छ भने आम्दानीमा पनि २० रुपैयाँ ३६ पैसाले बढेर ३७ रुपैयाँ ४८ पैसा पुगेको छ । प्रतिसेयर नेटवर्थ २१२ रुपैयाँ ६८ पैसा रहेको कम्पनीको चुक्ता पुँजी ९८ करोड २५ लाख रुपैयाँ रहेको छ ।
