काठमाडौं । इन्फिनिटी लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले चालु आर्थिक वर्षको पहिलो त्रैमाससम्म आइपुग्दा ४ करोड ७४ लाख ९६ हजार रुपैयाँ खुद नाफा आर्जन गरेको छ । कम्पनीको यो नाफा अघिल्लो वर्षको सोहि अवधिको तुलनामा ११७.८४ प्रतिशतले बढी हो । अघिल्लो वर्षको यसैअवधिमा कम्पनीले २ करोड १८ लाख ३ हजार रुपैयाँ खुद नाफा आर्जन गरेको थियो ।

यस्तै कम्पनीको खुद ब्याज आम्दानी ८ करोड ५९ लाख ६७ हजार रुपैयाँ पुगेको छ । कम्पनीको यो खुद ब्याज आम्दानी अघिल्लो वर्षको सोहि अवधिको तुलनामा १६०.१७ प्रतिशतले बढी हो । अघिल्लो वर्षको यसैअवधिमा यसले ३ करोड ३० लाख ४३ हजार रुपैयाँ खुद ब्याज आम्दानी गरेको थियो ।

यस्तै सञ्चालन नाफा पनि १६८.०४ प्रतिशतले बढेर ५ करोड ४४ लाख ६४ हजार रुपैयाँ पुगेको छ । अघिल्लो वर्षको यसैअवधिमा यसले २ करोड ३ लाख १९ हजार रुपैयाँ सञ्चालन नाफा आर्जन गरेको थियो ।यसैगरी कम्पनीको प्रतिसेयर आम्दानी २० रुपैयाँ ३० पैसाले बढेर ५८ रुपैयाँ ५३ पैसा पुगेको र प्रतिसेयर नेटवर्थ १८३ रुपैयाँ ४८ पैसा रहेको छ । यता कम्पनीको खराब कर्जा भने ३.२८ प्रतिशत ले बढेर ४.६५ प्रतिशत पुगेको छ ।