काठमाडौं । जीवन विकास लघुवित्तले चालु आर्थिक वर्षको पहिलो त्रैमासमा कमालको प्रगति गरेको छ । कम्पनीले पहिलो त्रैमाससम्ममा १७ करोड ६६ लाख ९ हजार रुपैयाँ खुद नाफा आर्जन गरेको छ । जुन नाफा गत वर्षकोभन्दा ३५.३९ प्रतिशतले बढी हो ।

यस्तै कम्पनीको खुद ब्याज आम्दानी पनि ४४.२७ प्रतिशतले बढेको छ । यस्तै कम्पनीको रिजर्भ कोषमा पनि ९७.६४ प्रतिशतले वृद्धि गरी १ अर्ब ४९ करोड ७१ लाख रुपैयाँ पुर्याएको छ । कम्पनीको प्रतिसेयर आम्दानी वार्षिक ११६ रुपैयाँ ११ पैसा रहेको छ भने प्रतिसेयर नेटवर्थ ३७१ रुपेयाँ ७७ पैसा रहेको छ ।