काठमाडौं । महिला लघुवित्त वित्तीय संस्थाले वार्षिक साधारणसभा बोलाएको छ । कम्पनीले मंसिर २२ गते वार्षिक साधारणसभा बोलाएको हो । उक्त सभा हिमालय दृष्य रिसोर्ट धुलिखेल काभ्रेमा बिहान १०ः३० बजेबाट सुरु हुने भएको छ । उक्त सभाले कम्पनीले ५० प्रतिशत लाभांश वितरण गर्ने मुख्य प्रस्ताव पारित गर्ने भएको छ । कम्पनीले गत वर्षको नाफाबाट ४७.५ प्रतिशत बोनस सेयर र कर प्रयोजनको लागि २.५ प्रतिशत नगद लाभांश वितरण गर्ने निर्णय गरेको थियो ।
सभामा अधिकृत, जारी तथा चुक्ता पुँजी वृद्धि गरी सोही बमोजिम प्रवन्धपत्र तथा नियमावली संशोधन गर्ने प्रस्ताव पनि रहेको छ । यता अन्य कुनै वित्तीय संस्थालाई मर्ज वा एक्वायर गर्नुपरेमा सम्पूर्ण अख्तियारी सञ्चालक समितिलाई दिने प्रस्तावका साथै लेखापरीक्षक नियुक्त गर्ने लगायतका प्रस्ताव पनि पारित गर्ने भएको छ । सभा प्रयोजनार्थ लघुवित्तले मंसिर १६ गते बुक क्लोज गर्ने भएको छ । यसअनुसार कात्तिक मंसिर १५ गतेसम्म सेयर खरिद गर्ने लगानीकर्ताले कम्पनीले प्रस्ताव गरेको लाभशं पाउनेछन् ।
