काठमाडौं । महिला लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमाससम्म आइपुग्दा महिला २ करोड ८६ लाख ७७ हजार रुपैयाँ आर्जन गरेको छ । यो नाफा गत वर्षको भन्दा ४४.२१ प्रतिशतले बढी हो ।
अघिल्लो वर्षको यसैअवधिमा कम्पनीले १ करोड ९८ लाख ८५ हजार रुपैयाँ खुद नाफा आर्जन गरेको थियो । अघिल्लो वर्षको यसैअवधिमा ४ करोड ७ लाख ९७ हजार रुपैयाँ खुद ब्याज आम्दानी गरेको कम्पनीले यसअवधिमा ६०.७३ प्रतिशतले बढाएर ६ करोड ५५ लाख ७१ हजार रुपैयाँ पुर्याएको छ । ।
यस्तै कम्पनीले सञ्चालन नाफा पनि २२.१८ प्रतिशतले बढाएर १ करोड ९३ लाख ९५ हजार रुपैयाँ पुर्याएको छ । अघिल्लो वर्षको यसैअवधिमा कम्पनीले १ करोड ५८ लाख ७४ हजार रुपैयाँ सञ्चालन नाफा आर्जन गरेको थियो । कम्पनीको प्रतिसेयर आम्दानी ११४ रुपैयाँ ७१ पैसा रहेको छ भने प्रतिसेयर नेटवर्थ ३२८ रुपैयाँ ९४ पैसा रहेको छ ।
