काठमाडौं । मेरो माइक्रोफाइनान्स लघुवित्त वित्तीय संस्थाले वित्तीय विवरण सार्वजनिक गरेको छ । कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेको हने । कम्पनीकोे पहिलो त्रैमाससम्म आइपुग्दा खुद नाफा २९७.९८प्रतिशतले बढेर १२ करोड ८५ लाख ४१ हजार रुपैयाँ पुगेको छ । अघिल्लो वर्षको यसैअवधिमा यसले ३ करोड २३ लाख १५ हजार रुपैयाँ मात्रै खुद नाफा आर्जन गरेको थियो ।

यस्तै खुद ब्याज आम्दानी २७ करोड १९ लाख ६८ हजार रुपैयाँ आर्जन गरेको छ । अघिल्लो वर्षको यसैअवधिमा यसले ११ करोड २८ लाख ७६ हजार रुपैयाँ खुद ब्याज आम्दानी आर्जन गरेको थियो । जुन अघिल्लो वर्षको तुलनामा यस वर्षको खुद ब्याज आम्दानी १४०.९४ प्रतिशतले बढी हो । यस्तै कम्पनीको सञ्चालन नाफा अघिल्लो वर्ष १ करोड ७ लाख ७८ हजार रुपैयाँ रहेको थियो भने यस वर्ष १६ करोड १७ लाख ८८ हजार रुपैयाँ पुगेको छ । कम्पनीको प्रतिसेयर आम्दानी ३६ रुपैयाँ ३० पैसाले बढेर ५१ रुपैयाँ ४२ पैसा पुगेको छ भने प्रतिसेयर नेटवर्थ १९५ रुपैयाँ ५८ पैसा रहेको छ ।