काठमाडौं । मुक्तिनाथ विकास बैंकले वार्षिक साधारणसभा बोलाएको छ । बैंकले मंसिर २५ गते १५औं वार्षिक साधारणसभा बोलाएको हो । कम्पनीले सभा बिहान ९ बजे होटल जलमहल घारीपाटन पोखरा कास्कीमा हुने भएको छ । कम्पनीको मंसिर ३ गते बसेको संचालक समितिको बैठकले सभाको मिति तय गरेको हो ।
उक्त सभाले १७.५७ प्रतिशत बोनस सेयर र कर प्रयोजनका लागि समेत गरी ०.९२५ प्रतिशत नगद लाभांश वितरण गर्ने प्रस्ताव पारित गर्नेछ । साथै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने भएको छ । यस्तै आर्थिक वर्ष २०७८/७९ को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
सभाले बैंकको चुक्ता पूँजी ८ अर्ब पुर्याउने, सोही अनुसार प्रबन्धपत्रको सम्बन्धीत दफा सम्शोधन गर्ने र अन्य उपयुक्त बैंक तथा वित्तीय संस्था एक आपसमा गाभिने प्रयोजनको लागि सम्पूर्ण कार्य गर्नका लागि सञ्चालक समितिलाई अख्तियारी प्रदान गर्ने प्रस्ताव पनि पारित गर्ने भएको छ । बैंकले साधारणसभा र लाभांश वितरण प्रयोजनको लागि मंसिर १५ गते बुक क्लोज गर्ने भएको छ। यस आधारमा मंसिर १४ गते सम्म कायम सेयरधनीले साधारण सभामा भाग लिन र लाभांश पाउनेछन् ।
