काठमाडौं । नेपाल इन्फ्रास्ट्रक्चर बैंकले चालु आर्थिक वर्षको पहिलो त्रैमासको वित्तीय विवरण प्रकाशित गरेको छ । निफ्राले पहिलो त्रैमाससम्म आइपुग्दा ४१ करोड ३४ लाख १३ हजार रुपैयाँ खुद नाफा आर्जन गरेको छ । जुन नाफा गत वर्षको यसै अवधिको तुलनामा ३४.३७ प्रतिशतले बढी हो । निफ्राले गत वर्ष यसैअवधिमा १८ करोड १ लाख २२ हजार रुपैयाँ खुद नाफा आर्जन गरेको थियो ।
यता कम्पनीले ४१ करोड ३४ लाख १३ हजार रुपैयाँ खुद ब्याज आम्दानी गरेको छ । जुन खुद ब्याज आम्दानी गत वर्षको यसै अवधिको तुलनामा ४५.७८ प्रतिशतले बढी हो । अघिल्लो वर्षको यसैअवधिमा कम्पनीले २८ करोड ३५ लाख ८५ हजार रुपैयाँ खुद ब्याज आम्दानी आर्जन गरेको थियो ।
यस्तै अघिल्लो वर्ष २५ करोड ७६ लाख ४२ हजार रुपैयाँ सञ्चालन नाफा गरेको कम्पनीले यस वर्ष ३४.२० प्रतिशतले बढाएर ३४ करोड ५७ लाख ४३ हजार रुपैयाँ पुर्याएको छ । कम्पनीको प्रतिसेयर आम्दानी १ रुपैयाँ १६ पैसाले घटेर ४ रुपैयाँ ८४ पैसा पुगेको छ भने प्रतिसेयर नेटवर्थ ११३ रुपैयाँ २२ पैसा रहेको छ । कम्पनीको चुक्ता पुँजी भने ६६.६७ प्रतिशतले बढेर २० अर्ब रुपैयाँ पुगेको छ ।
