काठमाडौं । नेपाल इन्फ्रास्ट्रक्चर बैंकले वार्षिक साधारणसभा बोलाएको छ । बैंकले मंसिर २९ गते लाभांश पारित गर्न वार्षिक साधारणसभा बोलाएको हो । कम्पनीले ८ प्रतिशत बोनस सेयर र बोनसमा लाग्ने कर तिर्न ०.५० प्रतिशत नगद लाभांश वितरण गर्ने प्रस्ताव पारित गर्ने भएको छ । सोहीअनुसार प्रबन्धपत्र तथा नियमावली संशोधन गर्ने प्रस्ताव पनि पारित हुने भएको छ ।
निफ्राको साधारणसभा अनुपम फुडल्यान्ड एन्ड ब्यांक्वेट बत्तिसपुतली काठमाडौंमा बिहान ९ बजे बस्नेछ । सभा प्रयोजनका लागि कम्पनीले मंसिर ९ गते बुक क्लोज गर्ने भएको छ । तसर्थ मसिंर ८ गतेसम्म कायम रहने सेयरधनीले मात्र सभामा भाग लिन र लाभांश पाउन सक्नेछन् ।
