काठमाडौं । एनएमबि बैंकको वार्षिक साधारणसभा हुने भएको छ । बैंकको पुस २२ गते साधारणसभा हुने भएको हो । बैंकले सभामा गत आर्थिक वर्षको नाफाबाट १२.५% बोनस सेयर र कर प्रयोजनसमेत गरी ३.३% नगद लाभांश वितरण गर्ने प्रस्ताव सभामा पेश हुनेछ ।
साथै, आर्थिक वर्ष २०७७/७८ को वार्षिक प्रतिवेदन, नाफा-नोक्सान हिसाब तथा नगद प्रवाह विवरणमा पनि छलफल गरी पारित गर्ने प्रस्ताव छ । यस्तै, बैंकको जारी पुँजी १६ अर्ब ३२ करोड रुपैयाँबाट बढाएर १८ अर्ब ३६ करोड रुपैयाँ पुर्याउने एजेन्डा पनि रहेको छ ।
हाल बैंकको चुक्ता पुँजी १६ अर्ब ३२ करोड ५९ लाख ६० हजार रुपैयाँ रहेको छ । बोनस वितरणपछि बैंकको चुक्ता पुँजी १८ अर्ब ३६ करोड ६७ लाख रुपैयाँ पुग्नेछ ।
